Registrere epoastačujuhusa vuostáiváldit ođasreivve ja dieđu go giinu cealká.
 
Govvagalleri

Sápmi Talent 2013

GOVVEN bargobáji govat

Jeagilveagi geasseleaira 8.-10.8.2012
 
Sápmi Talent 2013
Sápmi Talent ii leat dušše gilvu, muhto vahkoloahpa kulturdáhpáhus nuoraide. Sámi Siidda ulbmilin lea láhčit nuoraide sámegielat saji ovttastallat ja bargat dáiddálaš barggu. Ja dieđusge lea dehálaš láhčit nuoraid báiki lávket lávddi ala ja ovdanbuktit čehppodasaset. Dán jagᚠSápmi Talenttin šaddái Ánna-Katri Helander Guovdageainnus. 		GOVVEN bargobáji govat
OVTTAS! prošeakta lágidii Sápmi Talent dáhpáhusa oktavuođas bargobájiid teahteris, govvemis ja modearna dánssas. Govvenbargobáji oahpaheaddjin lei Tarja Länsman. Olis muhtin bargobáji govat.
Jeagilveagi geasseleaira 8.-10.8.2012
Sámi Siida lágidii ovttasbargguin Ovttas! prošeavttain sámegielat geasseleairra 8.-10.8.2012 Jeagilveagis Guhkes-Ánte báikis (dálá museabáiki). Leairra fáttán lei meahccedáiddut ja oahpásmuvvan eallimii Deatnogáttis 100 jagi dassá. Mii idjadeimmet lávuin, tealtáin ja boares stobus. Leairras ledje lagabui 50 olbmo ja vel Duottaraskki ja Sirbmá beaiveruovttut gallestalle min duorastaga. Dálki lei buorre ja buohkain orui leamen suohtas. 		Rievssatjávrre giđđamátki
Sámi Siida rs lágidii 1.4.2012 giđđamátkki Rievssatjávrái. Čoahkkaneimmet álggos Skállovári bigálusbáikái, gos álgá buorre gielkámáđija Rievssatjávrriide. Iđđedis lei buolaš joba -26 gráda vuomis, muhto goalki ja beaivvášge oidnostii. Gaskabeaivái lei jo bivaldan ja hurgaleimmet Gaskkamus Rievssatjávrri gáttái . Sámi Siida lei ožžon geavahussii ovtta bartta, gos sáhtii liggehallat ja orustit jos váibbai jieŋa alde. Buorre lihkkus Ole Sverres lei mohtorbovra fárus ja nu besse olbmot bilket. Máret Áile goddiige vuosttᚠvuskkona go luittii vuogga čáhcái. Olbmot gesse maiddái soavviliid jieŋa ala. Dollabáiki lei dán háve ceggejuvvon jieŋa ala oggojeddjiid lahkosiid, dies lei buorre bassit márffi ja vuoššat gáfe. Dálki lei hui earenomáš, murkku ja girkkis čuovga, muhto dasto jalahasttii ja beaivvᚠliggii nu. Oktiibuot Rievssatjávrái lei vuolgán 26 olbmo návddašit fiinna beaivvis giđđamátkkis.
Sápmi Talent Deatnu 2010
Luosabassin Veahčakis 3.6.2010
Sámi Siida lágidii luosabassineahkeda Veahčakis, Badjegiettis, geassemánu 3. beaivve. Seammás beasaimet čuovvut go Lemet ja Ole Sverre golgadeigga. Ja muhtimat besse vel fárruige. Doaluin ledje moaddelot olbmo. Searvi guossohii luosa ja gáfiid buohkaide. Stuorra giitosat Taunoi gii ortnii dolastallama ja basii midjiide luosaid. Doaluid ulbmilin lei nannet sámegielat mánáid giellageavaheami ja lasihit sin kulturmáhttu.
Sámi Siidda jahkkečoahkkin Gáregasnjárggas 24.4.2010
Skábmadoalut 2009
Skábmadoalut/Bándaleaira 6.–8.11.2009
Mearramátki Bearralváhkái
Bearralvági mearramátki suoidnemánu 7.-9. beaivve.
Jahkečoahkkin 1.3.2008
Jahkečoahkkin 2008 lágiduvvui Ohcejogas Goržánlattogáttis. Miellahttut ledje čoahkkanan 50 čoahkkimii ja searvi guossohii buohkaide gumposiid. 		Skábmadoalut 7.-9.11.2008
Sámi Siida lágidii Skábmadoaluid ovttas SámiSosterin, Sámedikki sámemusihkaguovddᚠprošeavttain ja Saamuskain. Govat bándaleairras.